Pas fjalëve kundër njëri-tjetrit në fundjavë midis trajnerit të Atalantës, Xhanpiero Gasperinit dhe Papu Gomezit, të dy tani nuk kanë më një raport të konsoliduar. Fantazisti vazhdon planin individual ku edhe sot stërvitet me skuadrën e të rinjve. Një sinjal tjetër i fortë që raporti i tij me Atalantën ka përfunduar pas 6 vitesh e gjysëm ku ishte dhe simbol i këtij klubi.
Takim me klubin – Do të jetë javë deçizive për të kuptuar të ardhmen e argjentinasit. Në ditët në vijim do të ketë një takim midis agjentit dhe dirigjencës zikaltër.
Largimi i pashmangshëm – Takimi nuk parashikon ndonjë të re në horizont. Asnjë hap pas nga të dyja palët, që do të gjejnë zgjidhjen e një ndarje të pashmangshme. Gomez pas deklaratave që i ka thënë trajnerit, nuk ka ndërmend të bëjë hapa pas. Do të shitet, me shumë mundësi tani në janar. Vetëm destinacioni mbetet për tu kuptuar, takimi me agjentin e ish-lojtarit të Katanias do të shërbejë për të përshkruar të gjitha konturet e një historie dashurie pa ndonjë fund të lumtur.
