Mbrojtësi i Porto-s, Pepe ka qenë protagonist i një sherri të çuditshëm me shokun e tij të skuadrës. Ka ndodhur pas ndeshjes së javës së 15-të të kampionatit portugez kundër Farense-s, e fituar 1-0 nga skuadra e Conceicao-s.
Pas vërshëllimës së trefishtë, siç tregojnë imazhet e përhapura në rrjetet sociale, Pepe dhe Mamadou Loum N’Diaye kanë patur një kontakt fizik.
Në fillim kanë këmbyer disa fjalë, më pas situata është ndezur nga një shtyrje e senegalezit. Pepe ka reaguar ashpër, duke detyruar shokët e skuadrës dhe arbitrin e ndeshjes që të ndërhyjnë.
Pas ndeshjes, Mamadu Loum N’Daye ka kërkuar falje dhe ka shpjeguar se janë gjëra që nuk duhet të ndodhin brenda një skuadre dhe se nuk ka asnjë problem me Pepe.
