Real Madridi humbi me rezultatin 2-1 kundër Alcoyanos në Kupën e Mbretit. Një eliminim i rëndë për ekipin e trajnerit Zinedine Zidane që tronditet fort pas kësaj disfate.
Një prej lojtarëve që u aktivizua në ndeshjen e humbur ishte Marcelo. Mbrojtësi i krahut të majtë nuk po luan rregullisht dhe në ndeshjen e fundit nuk bëri shumë në krahun e tij të fushës.
Braziliani ka reaguar në Instagramin e tij dhe ka dhënë një mesazh interesant në rrjetet sociale. “Ne do të kthejmë faqe”, – shkruan senatori i madrilenëve. Marcelo mund të largohet në fund të sezonit.
