Igli Tare ka mohuar se ka pasur një sherr me presidentin Klaudio Lotito, ashtu sicc qarkulluan ditën e djeshme lajme në Itali.
Në një prononcim të dhënë së fundmi për “DAZN”, Tare ka thënë: “Unë nuk e di nga dalin këto thashetheme. Nuk kam pasur kurrë grindje me të. Unë jam në Romë prej 13 vitesh dhe e di si funksionin gjithçka. Megjithatë nuk e di nga dalin këto thashetheme”, tha fillimisht shqiptari.
Më tej Tare foli edhe për Kaisedon, për të cilin është thënë se mund të largohet në merkato. “Kaisedo? Ne kemi marrëdhënie shumë të mira me Fiorentinën dhe kurrë nuk kemi pasur bisedime për Kaisedon. Mund të kemi një takim me Praden më vonë”, tha Tare.
