Legjenda e Inter-it, Sandro Mazzola, ka dhënë një intervistë befasuese për Livero.
Ish-futbollisti ka zbuluar se, gjatë kohës që luante me zikaltrit, një shok skuadre kishte provuar ta humbte me qëllim ndeshjen.
“Mëkati më i madh që mund të bëjë një lojtar është të shesë ndeshjen”, ka thënë Mazzola.
“Një herë një lojtar i Inter-it shënoi një autogol me dashje. Kur shkuam në dhomat e zhveshjes pothuajse e mbytëm”.
“Fatkeqësisht, në atë kohë ndodhte shpesh sepse kishte shumë varfëri. Gjithsesi, nuk do ta them kurrë si quhet”.
