Rio Ferdinand ka pranuar sikletin nga përfshirja e Manchester United në planet e Superligës Europiane, të cilën ai e përshkruan si “luftë ndaj futbollit”. “Djajtë e Kuq” kanë rënë dakord për formatin e ri kontinental të dizajnuar për të zëvendësuar Champions-in, së bashku me Arsenalin, Chelsea, Liverpool, Manchester City dhe Tottenham, pavarësisht kundërshtimit të madh nga organet më të larta drejtuese të futbollit dhe grupet e tifozëve.
Ferdinand ka qenë në mesin e atyre që e kritikojnë projektin në fjalë, duke këmbëngulur se vlerat thelbësore të kësaj loje tani janë në rrezik për shkak të asaj që ai e percepton si një “kapje të paturpshme nga paratë”. I pyetur nëse të gjitha klubet që kanë rënë dakord duhet të përballen me sanksione, ish-mbrojtësi anglez tha për “BT Sport”:
“100%. Unë mendoj se ky grup i ndarë i skuadrave duket ndëshkuar, kjo është luftë ndaj futbollit. Është një turp. Kjo shkon kundër gjithçkaje që ka të bëjë me futbollin. Nuk ka asnjë konsideratë për historinë, për njerëzit në pjesë të ndryshme të piramidës së futbollit poshtë majës. Është një turp, nuk mund ta besoj. Si e kanë guximin për ta bërë këtë në klimën ku jemi në këtë moment, me pandeminë nëpër botë?
Unë mendoj se elementi i të qenit antikonkurrues shkon kundër gjithçkaje që ka të bëjë me futbollin. Delegimi, ngritja në detyrë, shpërblimi për fitoren, ndëshkimi për mos fitimin; këto janë gjëra që i shtojnë vlera lojës sonë që duam.
Kjo më tregon se këta njerëz nuk kanë ide se për çfarë futbolli bëhet fjalë. Është thjesht një transaksion biznesi, kaq. Nuk ka asnjë mendim për askënd tjetër në piramidën e futbollit, nuk ka asnjë konsideratë fare. Nuk mund ta besoj.
Përfshirja e Manchester United? Jam në siklet. Ka pasur kaq shumë gjëra, që u janë hedhur pronarëve gjatë viteve të fundit, por kjo situatë tani… Të jesh pjesë e atij grupi që dëshiron të shkëputet dhe t’i lërë gjithë të tjerët të vdesin, kjo është situatë e sikletshme. Nuk mund ta besoj. Më vjen keq, unë jam një tifoz i Manchester United, e dua klubin, por nuk mund ta mbështes diçka të tillë”.
Çfarë është Superliga Europiane? Është raportuar se një total prej 20 klubesh do të marrin pjesë në kompeticionin e ri, duke përfshirë ato nga Anglia, AC Milan, Atletico Madrid, Barcelona, Inter Milan, Juventus dhe Real Madridi, gjithashtu të konfirmuar midis anëtarëve themelues të projektit. Sezoni inaugurues i Superligës Europiane është planifikuar të fillojë “sa më shpejt të jetë e mundur”, me ndeshjet që pritet të startojnë në fillim të edicioneve normale të klubeve, në gusht.
Klubet do të marrin pjesë në dy grupe me nga dhjetë skuadra, me ndeshjet brenda dhe jashtë shtëpie, që do të luhen vajtje-kthim. Tre më të mirët në secilin grup sigurojnë automatikisht një vend në çerekfinale. Ekipet e renditura në vendin e katërt dhe të pestë do të duhet të zhvillojnë një “play-off”, në mënyrë që të kualifikohen në tetëshen e fundit. Çerekfinalet dhe gjysmëfinalet do të vijojnë me sistemin vajtje-kthim, deri në finalen e madhe.
