Michael Owen, ish-ylli i futbollit anglez dhe Topi i Artë në 2001, ka zbuluar një prapaskenë të merkatos që mund ta kishte parë protagonist në Serinë A me fanellën e Inter-it në 1998-ës.
“Nëse kam patur kontakte me klube italianë? Po, pas Botërorit të 1998-ës kur isha te Liverpool, ka patur interes nga klube italainë”, ka thënë Owen për Sky Sport.
“Menaxheri im ishte i njëjti me David Platt, kishte marrëdhënie me shumë presidentë. Ka patur kontakte me Inter-in e Moratti-t dhe disa klube të tjerë italianë”, ka zbuluar anglezi.
“Mbaj mend shumë mirë se kam marrë edhe leksione italishteje. Nuk ndodhi kurrë, por futbolli italian ishte më i miri në botë kur isha i ri”.
