Dionis Çikani është lojtari i radhë lë kampionatin shqiptar për të kaluar në Kosovë, teksa ditën e sotme është prezantuar te skuadra e Drenicës, e cila drejtohet nga Bledar Devolli.
Sulmuesi 21-vjeçar ka kaluar në klubin kosovar në formën e huazimit nga Partizani, teksa menjëherë pas prezantimit është vënë nën urdhrat e trajnerit Devolli.
Çikani do të jetë pjesë e Drenicës deri në fund të sezonit dhe më pas do të rikthehet te Partizani, me shpresën se do të ketë kapur një formë të mirë dhe të bindë stafin për më shumë minuta në dispozicion.
Kujtojmë se qendërsulmuesi Çikani, në të kaluarën ka qenë pjesë e Tiranës B dhe Besës së Kavajës, përveç Partizanit, teksa bëhet përforcimi i 7-të për Drenicën në këtë merkato.