Trajneri i Atalantës, Xhan Piero Gasperini u detyrua ta ndiqte ndeshjen kundër Napolit nga tribuna e stadiumit të Bergamos pasi u ndëshkua me karton të kuq në minutën e 26-të.
63-vjeçari protestoi ashpër ndaj gjyqtarit kryesor Marko Di Belo për një penallti të mundshme të padhënë në favor të skuadrës së tij. Bëhet fjalë për një episod kur lojtari i Napolit, Mario Rui ndërhyri ndaj Mateo Pesinës të Atalantës.
Pas ndeshjes, Gasperini nuk e fshehu zemërimin për gjykimin e sfidës së fituar nga ekipi i tij 4-2. Ai theksoi se arbitri Di Belo u bë pengesë për skuadrën bergameske.
“Arbitrimi ishte një pengesë e madhe për ne sot së bashku me kundërshtarët. Incideti Rui-Pesina? Kishte mjaft momente të tjera që nuk ishin kaq decizive sa ky. I thashë arbitrit që ishte penallti sepse e dallova qartë nga 70 metra larg nga zona, jo më në distancë të afërt. Ishte një shenjë e keqe që sot u ndëshkova me karton të kuq, si dhe Robin Gosensi që u ndëshkua me karton të verdhë”, deklaroi pas ndeshjes me Napolin për “Sky Sport Italia” trajneri Gasperini.
