Një episod komik ka ndodhur në sfidën e divizionit të dytë të futbollit anglez (Championship) ditën e djeshme mes Blekbërnit dhe Uest Bromuiçit. Mesfushori i “Mëllenjave” Konor Kallagher u përplas me arbitrin Li Mejsën teksa po ndiqte dy futbollistë kundërshtarë të Blekbërnit.
21-vjeçari, i dhënë me huazim nga Çelsi për Uest Bromuiçin, u befasua në momentin e fundit nga gjyqtari kryesor Mejsën, i cili i zuri rrugën. Gallagher nuk mundi të frenonte dhe u përplas me arbitrin i cili ra në fushë. Mejsën u ngrit menjëherë në këmbë dhe arbitroi normalisht takimin.
Momenti i ngatërresës mes arbitrit dhe mesfushorit të Uest Bromuiçit është përhapur me shpejtësi në rrjetet sociale.
