Inter vijon ecurinë pozitive, teksa ka arritur të korrë suksesin e katërt rradhazi në kampionat.
Skuadra e Antonio Kontes mundi me shifrat 3-0 skuadrën e Xhenoas, me një super paraqitje, ku shifrat u hapën pas vetëm 32 sekondash me autor të përhershmin, liderin e këtij ekipi, Romelu Lukakun.
Dyfishimi i rezultatit erdhi nga Mateo Darmian në minutën e 69′, dhe golin e tretë e realizoi Aleksis Sançez në minutën e 80′ teksa i vuri “kapakun” kësaj sfide dhe pse të ndihmuar edhe nga VAR-i.
Me këtë sukses, zikaltërit vijojnë të qetë rrugëtimin si kryesues, teksa shkëputen në +7 nga Milani i vendit të dytë, të cilët kanë një ndeshje më shumë për të zhvilluar.
