*Juventusi ka humbur vetëm njërën nga nëntë sfidat e fundit kundër Interit në të gjitha kompeticionet (6 fitore, 2 barazime); humbje megjithatë e ardhur muajin e kaluar (0-2 në Serinë A).
* Suksesi i fundit i Interit në fushën e Juves daton në nëntorin e 2012-ës në kampionat (3-1 me dopietë të Militos dhe gol të Palasios): nga ajo kohë gjashtë suksese të bardhezinjve dhe dy barazime në “Allianz Stadium”.
* Në secilën prej 8 rasteve kur Juventusi ka fituar ndeshjen e vajtjes së gjysmëfinaleve të Kupës së Italisë, ka kaluar më pas turnin: dy herë më përpara ka ndodhur kundër Interit, në 1983-shin dhe 2016-ën.
* Interi nuk ka arritur në aktin e fundit të Kupës së Italisë në asnjërën prej 8 rasteve kur humbur gjysmëfinalen e vajtjes. Finalja e fundit e luajtur nga zikaltrit daton në 2011- ën, kur ngriti trofeun me suksesin ndaj Palermos.
* Humbja e fundit brenda fushe e Juventusit në Kupën e Italisë ka qenë në marsin e 2015-ës (1-2 kundër Fiorentinës), pikërisht në një gjysmëfinale (12 suksese dhe 1 barazim në “Allianz”).
* Interi ka humbur 6 nga 9 transfertat e fundit të zhvilluara në Kupën e Italisë (2 fitore, 1 barazim).
* Mes skuadrave ende në garë gjatë kësaj Kupe Italie, Interi (me 56.3%) dhe Juventusi (55.8%) janë dy skuadrat që kanë regjistruar zotërimin e topit më të lartë në ndeshjet e 1/8-ave.
* Kristiano Ronaldo ka shënuar katër gola në nëntë sfida kundër Interit në karrierën e tij, megjithatë asnjë prej tyre nuk është realizuar në shtëpi: tre në “Xhuzepe Meaca” mes Serie A dhe Kupës së Italisë dhe një në “Old Traford” me Mançester Junajtid në Ligën e Kampionëve.
* Që nga ardhja e tij tek Inter, Romelu Lukaku nuk ka gjetur gol dhe as ka dhënë asist në tre ndeshje kundër Juventusit në të gjitha garat.