Bajerni i Mynihut mposhti me rezultatin 1-0 meksikanët e Tigresit, në finalen e Botërorit të Klubeve, duke u ngjitur në “çatinë e botës”, teksa barazoi rekordin e Barcelonës me 6 trofe të fituar brenda një sezoni, duke plotësuar kështu kryeveprën.
Ishte francezi Pavard ai që vendosi mbrëmjen e sotme me golin në minutën e 59-të, duke i dhuruar një kupë tepër të rëndësishme gjermanëve.
Robert Levandovski u zgjodh lojtari më i mirë i turneut dhe fitues i çmimit “Ali Baba” të dorëzuar nga organizatorët. Për sa i përket trofeut, ai u ngrit nga kapiteni Manuel Nojer.
