Sulmuesi i Partizanit, Lukas Kardozo, dukej shumë pranë largimit nga “demat e kuq”. 26- vjeçari kishte ofertë nga klubi qipriot i Ermis Chypre dhe bisedimet ishin konkrete.
Gazeta mëson se braziliani, ka vendosur përfundimisht për të ardhmen e tij, duke qëndruar te Partizani. Edhe pse e ka humbur vendin e titullarit, Lukas vendos të qëndrojë në ekip dhe të luftojë për formacionin.
Alternativat në sulm te Partizani, janë shtuar tepër pas ardhjes së Stenio Zhunior dhe Ferhan Hasanit, si dhe rikthimit të Eraldo Çinarit. Megjithatë, edhe Kardozo do të jetë alternativë për trajnerin Daja, i cili tashmë ka luksin të zgjedhë emra dhe të bëjë alternime në varësi të ndeshjeve dhe kalendarit.
