Luis Suarez do të mbetet gjithmonë një lojtar i madh, por sulmuesi i Atletiko Madridit tregoi dje se di të jetë dhe një provokues i keq nervash. Në sfidën kundër Çelsit në Ligën e Kampioneve në Bukuresht, ish-futbollisti i Barcelonës kap nga pjesa e pasme e këmbës mbrojtësin gjerman Antonio Rudiger.
Ky gjest e acaroi futbollistin e Çelsit, ndërsa arbitrat e VAR-it nuk e sinjalizuan kolegun e sfidës për gjestin e Suarezit, i cili ia doli të mos ndëshkohej me karton të verdhë.
Sfida mes të dyja skuadrave u mbyll me fitoren e londinezëve 0-1.
Kujtojmë që urugajani njihet në futboll edhe për “kafshimet” e famshme ndaj ish-mbrojtësit të Çelsit Branislav Ivanoviçit dhe kapitenit të Juventusit, Xhorxho Kielini.
