Elvis Rexhbecaj i cili aktivizohet në rradhët e skuadrës së Këlnit në Bundesligë, po zhvillon një sezon të kënaqshëm ku në 20 ndeshje ka realizuar 5 gola dhe ka bërë që tekniku i Gjermanisë U-23, Stefan Kuntz t’i japë një mundësi djaloshit me origjinë shqiptare tek kombëtarja e vogël e panzerave për të luajtur në Lojërat Olimpike.
Mesfushori 23-vjeçar i cili më parë ishte në dyshim zgjedhjeje në kombëtare midis asaj të Gjermanisë, Kosovës dhe Shqipërisë, por fjalët e tij në mediat vendase ai deklaroi se ka ëndërr të aktivizohet me fanelën e kombëtares gjermane:
“Stefan Kuntz më telefonoi në dhjetor, ai më përfshiu në listën e të grumbulluarve. Kjo më bën shumë krenar dhe është një shtysë për mua. Do të ishte një ëndërr që të luaj me Gjermaninë në Lojërat Olimpike.”