Realdo Fili ka gjetur rrugën e rrjetën ditën e sotme me Botoshanin në Ligën e Parë në Rumani.
Skuadra e Filit ishte duke u mposhtur 2-0 ndaj Çindia Targoviste, ndërkohë që sulmuesi shqiptar hapi rrugën e golave për Botoshanin në minutën e 26’, duke shënuar një gol shumë të bukur, teksa ishte futur në fushë nga stoli në minutën e 10’.
Pas një krosimi të marrë nga krahu i majtë, Fili e stopon bukur topin, për të lëshuar më pas një gjuajtje të fortë me të majtën, e cila u ndal në fundin e rrjetës.
Kjo i dha zemër ekipit të Botoshanit, që gjeti edhe golin e barazimit në minutën e 42’ me Kejta.
Ky është goli i dytë për Filin në këtë vit, teksa gjeti rrugën e rrjetës edhe më 18 janar, në fitoren minimale të Botoshanit ndaj Poli Iasi.
