Sulmuesi i Kosovës dhe Balikersisporit, Arb Manaj ka gjetur golin e parë me ekipin e ri në Ligën e dytë të Turqisë. Në sfidën e sotme kundër Menemensporit, 22-vjeçari barazoi në minutën e 60-të.
Pas një krosimi nga faulli, ai kërcen dhe godet saktë me kokë duke baraspeshuar golin e Tajfun Aidoganit. Kujtojmë që te Menemenspori bën pjesë dhe ish-mbrojtësi i Laçit David Domgjoni, i cili luajti të gjithë ndeshjen.
Keçioronguçu, klubi tjetër i kategorisë së dytë të Turqisë ka kartonin e Manajt. Në shkurt, sulmuesi i Kosovës U21 dhe ekipit të parë u huazua tek Balikersispori. Këtë sezon ai ka realizuar 7 gola në 15 ndeshje në Turqi (6 me Keçioronguçunë dhe sot me Balikersisporin).
