Një tjetër Manaj po shkëlqen në futboll këtë sezon. Sulmuesi i Kosovës Arb Manaj ishte protagonist në fitoren 3-0 të skuadrës së tij Balikesirspor në javën e 22-të të kategorisë së dytë të futbollit turk në sfidën ndaj Bursasporit. 22-vjeçari realizoi dopietë në këtë sfidë si dhe fitoi penallti.
Në minutën e 35-të, ai fiton duelin e forcës me njërin prej mbrojtësve kundërshtarë dhe mposht pa problem portierin. 26 minuta më vonë, ish-sulmuesi i Trepçës shkund sërish rrjetën pas një topi të marrë saktë nga njëri prej shokëve të skuadrës. Megjithatë, shkëlqimi i tij në këtë ndeshje nuk mbaroi me kaq, pasi Arb Manaj fitoi penallti në minutën e 86-të, e cila u kthye në gol nga Tasdemir.
Manaj është pjesë e Keçiorenguçusë, por është huazuar për pjesën e mbetur të sezonit te Bursaspori. Ai ka realizuar me të dyja ekipet deri tani 9 gola në 16 ndeshje.
