Eden Hazard, u ble verën e 2019 nga Real Madrid, për shifrën e 138 milion eurove.
30-vjeçari erdhi me bujë të madhe dhe cilësohej si zëvendësuesi i Kristiano Ronaldos, i cili një verë me parë ishte transferuar në Itali tek Juventusi, por koha tregoi që blerja e belgut ishte një blerje e nxituar dhe pse jo e dështuar.
Në vetëm dy vite ish-lojtari i Çelsit ka arritur të luajë vetëm 25 ndeshje, ku ka rënë pre e pothuajse 11 dëmtimeve gjatë dy sezoneve tek madrilenët.
Këtë vit presidenti i Real Madridit, po mendon përsëri rikthimin e Ronaldos, teksa belgu nuk ka mundur të mbulojë mangësitë që la portugezi në sulm. Me sa duket Reali është penduar për shumën e shpenzuar dhe sipas statistikave kjo mund të jetë blerja më e dështuar në historinë e futbollit.
