Interi në telashe me dëmtimet në prag të sfidës ndaj Torinos. Pas Arturo Vidalit, një tjetër i dëmtuar në repartin e mesfushës. Bëhet fjalë për danezin Kristian Eriksen. Ky i fundit është stërvitur i diferencuar në seancën e sotme, teksa vuan nga një infeksion në gju.
Gjendja e danezit nuk duket shumë shqetësuese dhe nesër pritet të verifikohet sërish, megjithatë Konte po planifikon aktivizimin e Roberto Gagliardinit nga minuta e parë, për të mos rrezikuar aspak me Eriksen. Vlen të theksohet se ditët e fundit listës së të dëmtuar i është shtuar edhe serbi Kolarov.
