Çudi apo jo, te Tirana trajnerët që kanë luajtur më parë si portierë sjellin sukses. I tillë është rasti i Orges Shehit dhe Emanuel Egbosë.
Të dy portierë shumë të mirë, nën drejtimin e të cilëve Tirana ecën mirë. Egboja ribëri një skuadër nga e para, duke dalë kampion i Shqipërisë me 14 rezultate pozitive dhe 40 pikë të grumbulluara rresht.
Një nga arritjet më të mëdha të një trajneri këto sezonet e fundit. Edhe Orges Shehi është pak a shumë në të njëjtën linjë me Egbonë. Më në fund ka futur në vijën e duhur ekipin e Tiranës. 12 pikë në tri ndeshjet e fundit tregojnë se Shehi ka sjellë frymë pozitive në klubin bardheblu. Ai kërkon të jetë një tjetër kopje e Emanuel Egbosë.
