44 milionë euro për një grusht minutash dhe ndoshta jo për faj të futbollistit. Doni van de Bek u transferua në verë te Mançester Junajtid me shpresën se do të kishte një fanellë titullari, duke parë shkëlqimin e tij tek Ajaksi.
Por, për trajnerin Ole Gunar Solskjaer holandezi nuk është më shumë se një rezervë luksi, madje një zgjedhje e dytë, duke qenë se në mungesë të Pogbasë e të tjerëve më shumë ka luajtur veterani Matiç sesa të tjerët.
Dhe e gjithë situata në fjalë ka bërë Van de Bekun që të xhindoset dhe të kërkojë largimin nga Junajtid në verë, duke qenë se falë kësaj situate aspak normale që po jeton në “Old Trafford” ka vënë në dyshim edhe grumbullimin me Holandën në Europian.
