Tottenham ka marrë një fitore jetike mbrëmjen e sotme, pasi ka mposhtur me shifrat 0-2 Aston Villën në transfertë. Ekipi i drejtuar nga Jose Mourinho hodhi pas krahëve eliminimin e turpshëm ndaj Dinamo Zagreb në Europa League dhe mori 3 pikë me vlerë sot.
Heronjtë e fitores së “Gjelave” ishin Carlos Vinicius dhe Harry Kane. Fillimisht, ishte braziliani që shënoi pas një aksioni shumë të bukur, që u ndihmua edhe nga gafa e portierit Martinez.
Në pjesën e dytë Tottenham hipotekoi fitoren me anë të Kane, i cili shënoi në minutën e 67’ nga pika e bardhë e penalltisë. Deri në fund, ekipi i Mourinhos administroi mjaft mirë duke marrë 3 pikët. Tashmë, Tottenham ngjitet në vendin e gjashtë me 48 pikë, 3 më pak se Chelsea i vendit të katërt, që është një pozicion që të çon në UEFA Champions League.
