“Jemi të zhgënjyer për humbjen (eliminimin), kemi patur mentalitetin e gabuar edhe në ndeshjen e parë. Në këto momente duhet të përmirësohemi, pëson gol nga një situatë që duket e lehtë dhe rrezikon të humbësh”.
Mbrojtësi i Juventus, Alex Sandro, është kthyer të flasë për eliminimin në Champions League kundër Porto-s.
“Ronaldo? Ka qenë shumë i mërzitur pas ndeshjes, si të gjithë. Donim të fitonim, por nuk ia kemi dalë. Gjithsesi, ai e di se kemi akoma kampionatin dhe Kupën e Italisë”.
“Dhe nuk e di vetëm ai. E dimë të gjithë se çfarë duam dhe se çfarë kemi akoma përpara”, ka përfunduar Alex Sandro.
