Futboll Sport

KATAR 2022/ Gjermania mposht Rumaninë falë golit të Gnabry dhe mban kreun e Grupit J

Gjermania ka triumfuar si mysafir i Rumanisë me rezultat 1-0 në kuadër të kualifikimeve për Kampionatin Botëror që mbahet në Katar në vitin 2022.

Gjermanët e filluan më mirë takimin, duke shënuar pas vetëm 17 minutash lojë me anë të Serge Gnabryt që u asistua nga Kai Havertz.

Skuadra mysafire nuk u ndal me kaq dhe kërkuan që të shënonin edhe golat e tjerë.

Por, lojtarët e Joachim Low nuk arritën t’i konkretizonin rastet, duke shkuar në pushimin e pjesës së parë me vetëm këtë gol.

Në 45 minutat e dytë, ishte sërish Gjermania që dominoi me posedim dhe me shanset e krijuara.

Timo Werner kishte disa shanse të mira shënimi, mirëpo i mungoi konkretizimi anëtarit të Chelseat.

Raste të mira patën edhe Gnabry e Ilkay Gundogan, por as këta nuk arritën të mposhtin portierin rumun për herë të dytë.

Gjermania është lider i Grupit J me gjashtë pikë, aq sa ka edhe Armenia, Maqedonia e Veriut dhe Romania me tre, derisa Islanda e Lihtenshtajni janë ende pa pikë.

Related posts

PAS LARGIMIT NGA STOLI I TOTTENHAM/ Ja shuma e frikshme që ka fituar Mourinho nga ndërprerjet e kontratave…

Delo.autor

LIVE/ Teuta-Flamurtari: Shpërthen festa në “Niko Dovana”, vendasit barazojnë shifrat (VIDEO)

Delo.autor

MOMENTE FRIKE NË FORMULA 1/ Aksident mes Mercedes dhe Williams, ndërpritet gara e Imola (VIDEO)

Delo.autor

Leave a Comment