Kombëtarja e Spanjës prezantoi ditën e djeshme përmes rrjeteve sociale listën e lojtarëve të grumbulluar për 3 ndeshjet eliminatore të Spanjës me Greqinë, Gjeorgjinë, dhe Kosovën, të vlefshme për Botërorin Katar 2022.
Është lista e parafundit përpara grumbullimeve të Europianit 2021. Trajneri ka grumbulluar 24 futbollistë dhe risitë janë tre: Pedri, Brajan Gil (të cilët janë pjesë e Kombëtares U-21) dhe Robert Sançez, portieri i Brajtonit.
Enrike nuk i ka kursyer yjet e skuadrës së tij duke marrë Serxho Ramosin, por mbi të gjitha duke rikthyer edhe Zhordi Albën. “Ramos? Nëse ekziston një lojtar që mund të luajë në 6 Botërorë ai është kapiteni i Realit. Nuk e di nëse jam unë trajner apo ndonjë tjetër, por ai mund t’ia dalë”, ka thënë Enrike.
