Joan Laporta lëshon paralajmërim të ashpër për anëtarët e Barcelonës përpara zgjedhjeve të kësaj jave, duke këmbëngulur se Leo Mesi do të largohet nga “Kamp Nou” nëse ai nuk zgjidhet si president i klubit.
Laporta është favoriti për të fituar një mandat të dytë në krye të gjigantëve të La Liga në zgjedhjet që do të mbahen të dielën për të zëvendësuar Bartomeun.
E ardhmja e Mesi është një nga shumë problemet kryesore me të cilat po përballet klubi aktualisht, me kontratën e yllit argjentinas që skadon këtë verë. Vitin e kaluar, Mesi donte të largohej, por pranoi të tërhiqej dhe të qëndronte dhe për një sezon tjetër.
