Pas katër vitesh e nëntë muajsh mungesë (dalja e fundit më 22 qershor 2016, në ndeshjen kundër Belgjikës në Europianin francez), Zlatan Ibrahimoviç u rikthye që të përqafonte skuadrën kombëtare dhe të ishte në fushën e lojës për 84 minuta.
Sulmuesi i Milanit ndihmoi përfaqësuesen suedeze për ta nisur me këmbën e mbarë rrugën drejt kualifikimit për në Botërorin “Katar 2022”. Pesha e gjigantit 39- vjeçar u ndje menjëherë në fushë, duke qenë se ishte Ibrahimoviç që ofroi asistin për Klaeson në minutën e 35-të, për golin që mjaftoi për tri pikët e para në Grupin B.
Pas këtij suksesi 1-0 ndaj Gjeorgjisë, Ibra dhe Suedia përfitojnë edhe nga ndalesa shqetësuese e Spanjës, 1- 1 në shtëpi ndaj Greqisë. Në këtë grup bën pjesë edhe Kosova të cilët do të sfidohen të dielën me fillim nga ora 20:45.
