Arrigo Sacchi mbush 75 vjeç këtë të enjte dhe ka dhënë një intervistë të gjatë për “Gazzetta dello Sport”, në të cilën rishikon karrierën e tij. Në një moment të bisedës kujton një anekdotë që ndodhi këtë sezon me Pep Guardiolën, një bisedë mes të dyve, që ndryshoi të ardhmen e Manchester City. Po kështu, zbuloi një prapaskenë interesante nga një “El Clasico” e kohës së tij si drejtor sportiv i Real Madridit:
“Më kujtohet Rijkaard i ulur në shkallët e “Bernabéu”, që të çonin drejt fushës. Ai ishte zhytur në tymin e cigares, dukej shumë i shqetësuar disa minuta para klasikes. Asokohe stërviste Barcelonën, ndërsa unë isha drejtor sportiv i Real Madridit. U mundova ta siguroja atë: Frank, mos u shqetëso, ti fiton lehtë, ne nuk jemi konkurrues. Florentino Pérez e dëgjoi dhe më pyeti: Drejtor, ti je me ne apo kundër? Në fund, Barça fitoi 3-0”.