Një ndër lojtarët më në formë te Manchester United që pas ardhjes së Solskjaer në stol 1 vit më parë ka qenë Luke Shaë. Mbrojtësi u mor për një mal me para nga Southampton disa vite më pare dhe nën drejtimin e Jose Mourinhos nuk arriti ta shfaqte potencialin e tij.
Ardhja e Solskjaer ndryshoi gjithçka dhe Shaë e pranon diçka të tillë në një intervistë të dhënë së fundmi për mediat angleze, ku u shpreh se Solskjaer i riktheu besimin, ndryshe nga Jose Mourinho.
“Në kohën e Mourinhos nuk kisha besimin e duhur dhe kjo ishte ajo që ndryshoi me ardhjen e Solskjaer në stol. Ai diti si të më menaxhonte dhe më riktheu besimin te vetja. Sot jam duke e shijuar futbollin që bëj dhe Solskjaer ka qenë diferenca. Më ka shtyrë drejt një niveli tjetër”, përfundon Shaë.
