Arsenali duket se po dështon përsëri këtë sezon për t’u rikthyer në Champions League, ku mungon prej disa vitesh tashmë. “Topçinjtë” e Londrës kanë filluar të mendojnë për sezonin e ardhshëm, ku sigurisht sytë janë te merkatoja.
Emrat e parë kanë nisur të përfliten dhe në krye të listës së dëshirave është Odsonne Edouard. Francezi, i cili ka dalë nga PSG, është pjesë e Celtic prej disa sezonesh dhe skocezët kërkojnë të paktën 25 milionë euro për ta lënë të lirë.
Sipas asaj që raporton “Daily Mail”, drejtuesit e Arsenalit janë të gatshëm të kënaqin pretendimet e Celtic dhe të ofrojnë 25 milionë euro. Kujtojmë se drejtuesit e dy klubeve gëzojnë marrëdhënie të mira, pasi edhe 1 vit e gjysmë më parë, Arsenal bleu nga skocezët mbrojtësin Tirney.
