Është rikthyer në modë përsëri emri i Federiko Di Markos, i cili ka vendosur përsëri në bisedime skuadrën e Interit dhe asaj të Veronës.
Anësori italian ndodhet në huazim me të drejtë blerje tek skuadra veroneze dhe sipas të përditshmes sportive italiane “La Gazzetta dello Sport”, skuadra zikaltër mund ta lërë të lirë lojtarin në fjalë për një shifër prej 6,5 milionë euro.
Në akordin e arritur për huazimin e Di Markos në verë për të kaluar tek skuadra e Veronës ishte përfshirë gjithashtu edhe klauzola e kontratës ku thuhet se në rast blerje përfundimtare të klubit nga Verona dhe në rast shitje gjatë sezoneve të ardhshme klubi i Interit do të kishte të drejtën e 50% të shitjes së tij.