Merkato e verës po afrohet dhe ne kthehemi të flasim me këmbëngulje për të ardhmen e Kalidu Kulibali. Mbrojtësi i skuadrës së Napolit, që është kthyer si një protagonist i interesave europiane: Bajerni Mynihut duket se është një nga skuadrat më të interesuara për të ardhmen Franko-Senegalez, i cili duket se është në dyshim për të qëndruar edhe në sezonin e ardhshëm në Itali.
Napoli po mendon të ulë rrogat e lojtarëve për shkak të krizës ekonomike që ka përfshirë klubin italian në këtë kohë pandemie. Kjo është arsyeja pse oferta afërsisht 45 milionëshe e bavarezëve mund të merret në konsideratë, megjithëse është shumë larg ofertave me tri shifra që mbërritën vetëm disa sezone më parë.
Kampionët në fuqi duan të mundin konkurrencën me klubet angleze si Mançester Junajtid dhe Liverpul për të marrë shërbimet e shtatlartit të mbrojtjes napolitane. Me Kulibalinë në skuadër, Flik do të kishte një mbrojtje të pathyeshme. Kujtojmë që kampionët e Gjemanisë kanë arritur marrëveshjen me mbrojtësin francez, Dajot Upamekano, i cili luan për Lajpcig dhe do t’i bashkohet bavarezëve në fund të sezonit.
