Në negociatat midis Inter dhe BC Partners, me shumë mundësi fonde të tjera do të shtohen për t’u përpjekur të investojnë në futbollin italian. Një nga këto, ndoshta i preferuari i Suning është Fondi i Investimeve Publike (PIF) një fond arab që është në pronësi të Princit Mohammed Bin Salman. Ky fond ka seli në kryeqytetin e vendit, Rihad, është mes fondeve më të mëdha sovrane të botës me një pasuri totale të vlerësuar në 347 miliard dollarë.
Si menaxhues i operacioneve është Jasir al Rumajan, që administron një portofol prej rreth 200 milionë asetesh. Gazetari i njohur sportiv Ben Xhekobs, është shprehur se “flitet për një investim rreth 30% që, në bazën e vlerësimit më të lartë të ‘Suning’, mendohet të jetë prej 300 milionë eurosh”. Qëndron edhe interesi i ‘Fortress’ që ka bërë një ofertë zyrtare të cilës ende nuk i janë zbuluar shifrat, pavarësisht se në avantazh mbetet ‘BC Partners’ me 800 milionë euro
Në një intervistë me CNBC amerikane, drejtori menaxhues fondacionit shpjegoi modelin e tij që sipas tij do të rritet deri në vitin 2025 deri në shifrën e menaxhuar prej rreth një trilion dollarësh. “”PIF” është duke u zhvilluar si një udhëheqës kryesor botëror, ne vazhdojmë të ndërtojmë partneritete strategjike për mundësi në investimet e sektorit privat si ekonomia e mbretëria vazhdon të zgjerohet”, u shpreh ai.
