Roma ia doli të kualifikohet në çerekfinalen e Ligës së Europës, teksa mposhti në të dyja ndeshjet, Shaktar Donjetskun.
Megjithatë, përveç fitores, ajo që ka tërhequr vëmendjen e të gjithëve në ndeshjen e djeshme, ka qenë një përplasje e frikshme mes dy mbrojtësve të Romës, Marash Kumbulla dhe Roxher Ibanjez, në fundin e pjesës së parë.
Pas përplasjes, braziliani e kishte të pamundur të vazhdonte ndeshjen dhe për këtë arsye u zëvendësua, teksa humbi kujtesën dhe nuk mbante mend asgjë nga pjesa e parë. Për këtë foli edhe trajneri, Paulo Fonseka, i cili u shpreh: “Ai tani ndihet, por nuk mbante mend asgjë nga ndeshja që luajti”, tha trajneri portugez pas ndeshjes.