Që pas ditëve të ftohta, kur Shqipëria u mbulua nga dëbora edhe në kryeqytet apo qytetet bregdetare, në stadiumin kombëtar “Air Albania” ka nisur një punë intensive për procesin e rigjenerimit të barit në tapetin e fushës.
Pasi u bë korrja e barit, është bërë edhe rimbjellja e tij. Për rigjenerimin e fushës është vendosur sistemi i ventilimit dhe llambave që do të përdoren për ngrohjen e barit në ato zona të fushës ku nuk bien shumë rreze të diellit.
Në videon e siguruar nga “Panorama Sport”, shihet teksa punëtorët e fushës, hedhin farën për të rrënjët e barit, në mënyrë që ky të rritet në atë pjesë të fushës dhe të jetë gati për ndeshjen me Anglinë, e cila është planifikuar të luhet më 28 mars.
