Tirana ka vazhduar përgatitjet për javën e ardhshme kur do të luajë me Apoloninë. Pushimi ka bërë që gjysma e skuadrës të bëjë pushim. Kështu, Seferi dhe dyshja Toshevski-Najdovski nuk ishin në Shqipëri, por në Maqedoni.
Me skuadrën nuk ishte dje as Batha. Shto këtu edhe katër lojtarët: Bekaj, Ismajlgeci, Çelhaka e Hoxhallari, numri i mungesave rritet në tetë. Edhe Giamfi nuk ishte paraqitur në stërvitje, ndërsa Beshiraj, Musai, Stafa e Gjumsi nuk janë stërvitur plotësisht. Dy të parët patën luajtur në sfidën me U-21 në Shënkoll, ndërsa të tjerët luajnë sot me 19- vjeçarët. Me shumë mundësi vetëm të premten skuadra do të jetë e plotë për të përballur skuadrën Shpresa.
Ilion Lika bënte dje trajnerin e portierëve, prej mungesës së Alfred Osmanit. Shehi bëri stërvitje me grupin, duke mbajtur mirë ritmin.