Slavisa Kokeza ka dhënë dorëheqjen si president i Federatës së Futbollit të Serbisë, pasi hetimeve që kanë nisur ndaj për lidhje me huliganët serbë të futbollit, të cilët u arrestuan së fundmi dhe akuzohen për vrasje, rrëmbim dhe trafik droge.
Pas hetimeve që kanë nisur për të, Kokeza ka vendosur të japë dorëheqjen ditën e sotme, duke thënë se po fyhet figura e tij. Ai ishte në krye të federatës serbe që nga viti 2016.
Kokeza ishte marrë në pyetje nga policia serbe për lidhjet e tij me krerët e grupit të tifozëve të Partizanit të Beogradit, të cilët u arrestuan në shkurt për krim të organizuar.
Huliganët e Partizanit të Beogradit akuzohen për vrasjen e anëtarëve të grupeve rivale, përfshirë heqjen e kokave dhe torturimin e tyre në një bunker të veçantë në stadiumin e Partizanit në kryeqytetin serb.
