Andre Silva nuk e ka harruar periudhën e komplikuar të kaluar te Milan-i, ku golat kanë ardhur me pikatore dhe ndeshjet e luajtura numëroheshin me gishtat e një dore.
Sulmuesi aktual i Eintracht Francfurt ka folur për Transfermarkt, duke mos i shmangur thumbimet për klubin milanez:
“Mendoj se mund të them se kam bërë hapin e duhur. Me përjashtim të faktit se më është dashur të ndryshoj përsëri gjithçka: skuadra, stafi, gjuha, ambienti, gjithçka”, ka thënë Silva.
“Një eksperiencë që më ka vënë përsëri në një situatë të vështirë, por që edhe më ka ndihmuar të rritem, edhe më shumë se më parë”.
“Kur je i ri dhe i vetëm në një botë të re, pa dikë që të të ndihmojë ose që të të japë informacionet e duhura, nuk është e lehtë. Secili bën rrugën e tij. Kam gjetur shumë pengesa, por ndihem më i qetë dhe është falë kësaj që mund të tregoj se si jam i gatuar”.