Masimiliano Alegri ishte shumë i suksesshëm tek Juve dhe ndoshta është edhe një alternativë në rast se Pirlo shkarkohet pas largimit të parakohshëm nga Champions-i, por Alegri mund të kishte përfunduar edhe në “Bernabeu”.
Sipas mikut të tij të afërt, Xhovani Galeone, tekniku refuzoi Realin, ndërsa i është ofruar gjithashtu edhe stoli i Çelsit dhe Arsenalit. “Arsyeja është e thjeshtë, – tregon Galeone për “Radio Kiss Kiss”.
– Për shkak të disa problemeve serioze familjare, ai u detyrua që t’i thoshte jo shumë klubeve të mëdha. Ai refuzoi Çelsin, Arsenalin, Realin dhe PSG-në. E refuzoi Realin dhe përgjigjja e tij më surprizoi: ‘Unë nuk jam një kloun. Nëse refuzova klubet e tjera si mund të pranoj një tjetër ofertë vetëm 10 ditë më vonë’”.
