Partizani feston trofeun e parë për vitin 2021, duke u shpallur fitues i Kupës së Shqipërisë në volejboll për femra.
Të kuqet dominuan ndaj Tiranës në finalen e zhvilluar sot në sallën e “Feti Borova”, duke triumfuar me rezultatin e pastër 3-0 (25-20, 26-24, 25-16).
Një ndeshje perfekte e skuadrës për Partizanin që i shton muzeut Kupën e katërt në histori, ndërsa Andi Lundra koleksionon trofeun e parë në karrierën si trajner.
