Gazetari brazilian Marcelo Bechler ka bërë një deklaratë të bujshme në kanalin YouTube ‘De Placa’ në lidhje me të ardhmen e Leo Messi-t.
Gjatë ndeshjes së kthimit të 1/8-ave të Champions League mes Paris Saint-Germain dhe Barcelona-s, numri 10 i katalanasve duket se i ka thënë bashkëkombësit të tij Angel Di Maria:
“Është hera e fundit që vij këtu si kundërshtar”, duke lënë të kuptohet se do të transferohet në Paris.
Gjithmonë sipas Bechler, arsyet e lamtumirës së Messi-t janë dy: dëshira për t’u vënë në provë me një projekt ambicioz dhe kriza financiare që po kalon Barcelona.
Lamtumira e Pleshtit duket e sigurt.
