Është e vërtetë se presioni ndihet tek të gjithë lojtarët në prag të një sfide derbi. Edhe te Partizani e Tirana, normalisht që është e njëjta gjë. Megjithatë, kjo gjë nuk i pengon futbollistët edhe të relaksohen disi, në vigjilje të një prej sfidave më të rëndësishme të sezonit.
Në kampin e kuq të Partizanit, atmosfera duket pozitive në prag të sfidës ndaj bardhebluve, edhe pse ecuria në ndeshjet e fundit nuk ka qenë ajo e duhura.
Kordeiro Melo, Jasir Asani dhe Roberto Dominguez, kanë gjetur mënyrën më të mirë për t’u qetësuar para derbit. Melo dhe Asani kanë kaluar kohën e tyre duke luajtur me video-lojëra, ndërsa Dominguez ka qenë ai që i ka regjistruar në video dhe që i ka shpërndarë në rrjetet e tij sociale.