Ish-mesfushori i Milanit, Keisuke Honda, i ka surprizuar të gjithë me të ardhmen e tij, teksa së fundmi i është bashkuar Neftçi Bakusë në kampionatin azerbajxhanas, duke u bërë kështu shok skuadre me vlonjatin Bruno Telushi.
Fillimisht 34-vjeçari kishte arritur një marrëveshje me klubin portugez të Portimoneses, por akordi i arritur dështoi teksa Honda zgjodhi më pas të transferohej në kampionatin azerbajxhanas, duke u joshur nga oferta e Neftçi Bakusë.
Japonezi me Milanin u aktivizua plot 81 ndeshje, duke shënuar edhe 11 gola. Sezonin e kaluar Honda ishte pjesë e Botafogos në Brazil. Në 18 ndeshje ai gjeti 2 herë rrugën e rrjetës.
