Ish-mbrojtësi i Skënderbeut, Fidan Aliti ka rinovuar kontratën me klubin e tij Zyrihun deri në vitin 2023.
Mbrojtësi i përfaqësueses kosovare i është bashkuar skuadrës së njohur zvicerane në fillimin e këtij sezoni teksa ka zhvilluar paraqitje pozitive duke befasuar drejtuesit e Zyrihut teksa i rinovuan kontratën edhe për dy sezone të tjerë. Këtë lajm e ka bërë vetë publik, Fidan Aliti teksa e ka postuar në profilin e tij në rrjetin social “Instagram” duke shkruajtur:
“Jam i lumtur t’iu njoftoj se kam zgjatur kontratën me skuadrën e Zyrihut. Jam i mahnitur për këtë fakt. Le të fokusohemi tek objektivat sezonalë.” Fidan Aliti me skuadrën e Zyrihut është aktivizuar në 21 takime, teksa ka realizuar dhe një gol.
