Manchester United është i etur për të ri-nënshkruar me Cristiano Ronaldon, ka plan për ta marrë yllin portugez nga Juventusi. Në këtë përfundim ka arritur “Calcio Mercato”, që shton më tej thashethemet mbi të ardhmen e 36-vjeçarit.
Më konkretisht, sipas portalit të njohur italian, “Djajtë e Kuq” do të konsiderojnë një marrëveshje shkëmbimi, që do të shihte Paul Pogba të kthehej në Torino dhe e kundërta, Ronaldo në “Old Trafford”, këtë verë.
Manchester United është në rrugën e duhur për ta përfunduar kampionatin në katërshen më të mirë të Premier League, çka do të thotë pjesëmarrje në Champions sezonin e ardhshëm. Në funksion të ngjitjes sërish në majë, sin ë kohën e Alex Fergusonit, klubi po planifikon të rithejë një legjendë si CR7.