Mbrojtësi i Juventusit, Danilo ka dalë kundër FIFA-s dhe UEFA-s, duke thënë se këtyre nuk u interesojnë shumë lojtarët. Në një intervistë të dhënë për “Sky Sports”, braziliani ka thënë se klubet e dhanë një mesazh, me krijimin e Super Ligës Europiane.
“Nëse 12 klube e pranuan krijimin e Super Ligës, atëherë kjo ka ndodhur për shkak se ekziston nevoja për disa ndryshime në futboll. Unë nuk e di nëse kjo do të kishte qenë më e drejta, por tani duhet të jemi të gjithë bashkë për të shpëtuar futbollin, sepse Covidi ka goditur edhe aty.
Nëse UEFA do të shqetësohej aq shumë për lojtarët, atëherë ata nuk do na bënin të udhëtonim aq shumë në me të pandemisë, ose të luanim aq shumë ndeshje. Për mua nuk ishte e këndshme të kërcënohesha nga FIFA dhe UEFA.”, tha Danilo.