Mesfushori i Milanit, Hakan Çalhanoglu nuk ka pranuar të rinovojë kontratën me Milanin e cila i mbaron këtë verë.
Sipas “Sky Sports” një fakt të tillë po kërkon ta shfrytëzojë Juventusi, e cila po mendon seriozisht të afrojë mesfushorin turk me parametra zero në merkaton e verës.
Çalhanoglu ka kërkuar në kontratën e re 5 milion euro pa bonuse, por Milani është ndalur vetëm në 4 milion euro që fiton aktualisht. Me problemet e shumta në mesfushë kohët e fundit, Juventusi e cilëson turkun si një investim serioz për të ardhmen.
