PSG-ja ia doli të hakmerret ndaj Bajernit për atë finale të humbur në sezonin e kaluar, teksa ditën e djeshme i eliminoi gjermanët nga Liga e Kampioneve.
Festa te skuadra e Poçetinos ishte me të vërtetë e madhe, ku lojtarët nuk përmbaheshin për kalimin në gjysmëfinale, por edhe për faktin se eliminuan Bajernin.
Kjo shihet qartë edhe te festa e Nejmarit me Paredesin në fundin e ndeshjes, të cilët të lumtur nga arritja e skuadrës, festojnë si të çmendur. Megjithatë gjatë kohës kur Nejmar dhe Paredes po festonin, aty ndodhej edhe Kimish, i cili i kapur nga kamerat, shfaqej tejet nervoz me atë që po ndodhte.
Ndoshta dy lojtarët e PSG-së e bënë me qëllim këtë festë aty, por ka qenë Nejmar i cili pas ndeshjes, u shpreh se fati donte që Kimisht të ishte aty në atë moment.
“Është diçka qesharake! Unë nuk po festoja për të sfiduar Kimishin, unë dhe Paredes po e bënim këtë vetëm për kualifikimin dhe lumturinë që kishim. Ishte fati që vendosi të ishim atje në atë moment. Kimish më parë kishte thënë se ekipi i tyre ishte më i mirë dhe do të fitonin. Ishte i sigurt që do të shkonin në gjysmëfinale, por përfundimi…”, tha Nejmar pas ndeshjes.
Neymar and Paredes making kimmich eat his words after suggesting Bayern are better than PSG pic.twitter.com/9CE3snybQS
— Random Clips (@random__clips) April 13, 2021
